Imoto ayisengwa, Inkomo ayokhewla. <br />Imoto ayixhelwa, Inkomo ayiqhelwa. <br />Imoto ayiyonkomo, Inkomo ayiyomoto. <br />Inamafutha kodwa ayinyathelwa; <br />Inkomo, ayiyomoto. <br /> <br />Imoto ayiyonkomo: <br />Amafutha ayo aselwa yiyo; <br />Inebisi lokubasa, <br />Ibona ebusuku, <br />Nakusasa kukho ikhephu. <br /> <br />Iinkomo zazilila; <br />Kub' iimoto zazilawula. <br />Iinkomo zazisitya, <br />Kwimbalela zazibhitya. <br />Iimoto zazibaleka, <br />ezinamatreyila ziwabeleka. <br />Iinkomo zimkiswa liphango, <br />Iinkunzi zithelekiswa lithango. <br />Iimoto azinamazi, <br />Ikhaya ngumnikazi. <br />Iinkomo zinobuhlanti, <br />Iimoto zinegaraji. <br />Iinkomo ziyazityela. <br />Iimoto ziyagalelwa. <br /> <br />Iimoto ayizonkomo, <br />Iinkomo ayizomoto. <br />Zineempondo ziyahlaba; <br />Zinamanqina ziyakhaba. <br />Xa zingqubana azityoboki ziyahlabana. <br />Ziyagula, ziyagxwala, <br />Emswaneni ziyakhala. <br />Zisusa ibhadi, <br />Zisusa iqonya. <br />Aziva mnqandi, <br />Xa sezikhonya. <br /> <br />Inkomo ayiyomoto, <br />Imoto ayiyonkomo; <br />Ayizali, ayilali, <br />Ayikhuli ayikhali. <br />Ayixhelelwa magqirha, <br />Ayiphekelwa maYira. <br />Ayiyonto konozakuzaku, <br />Ayiwoyiki namabhaku. <br />Imisebenzi iyayenza; <br />Yona ikukusebenza. <br /> <br />Izinto azifani: <br />ngokubaluleka azishiyani. <br />Bathi iinkomo zezamafama, <br />bayayitya kodwa imyana. <br />bathi iinkomo zezabelusi, <br />kodwa bayalisela ubisi. <br />neemoto zibalulekile kuthi. <br />siyazidinga izithuthi; <br />Iinkomo ziimoto zamandulo. <br />azinazinjini nazitulo, <br />Iimoto zinkomo namhlanje nazo; <br />akukho sityebi singenazo.<br /><br />Nkululeko Mdudu<br /><br />http://www.poemhunter.com/poem/izinto-azifani/
